Ընդունելություն Յան Հուկմայի՝ ՀՀ պատվավոր հյուպատոս նշանակվելու կապակցությամբ

13 հունիսի, 2023

D66-ի նախկին պատգամավոր, միջազգային մշակութային համագործակցության հարցերով նախկին դեսպան և Վասենաարի նախկին քաղաքապետ Յան Հուկման նշանակվել է Հյուսիսային Հոլանդիա նահանգում ՀՀ պատվավոր հյուպատոս։

Հունիսի 13-ին դեսպանությունում պատվավոր հյուպատոսի նշանակման կապակցությամբ կազմակերպված ընդունելության ընթացքում դեսպան Տիգրան Բալայանը Յան Հուկմային հանձնեց հյուպատոսական արտոնագիրը։

«Յան Հուկման ունեցել է հարուստ փորձ ինչպես միջազգային, ազգային և տեղական քաղաքականության մեջ, այնպես էլ մշակութային հարցերում։ Նա այս գեղեցիկ երկրին է ծառայել տարբեր ոլորտներում։ Նրա փորձը նշածս ոլորտներում մեծապես կնպաստի Հայաստանի դերը և հարուստ մշակութային ժառանգությունը հանրահռչակելու և Հայաստանի բարեկամ նիդերլանդացիների շրջանակը ընդլայնելու հարցում»- նշեց դեսպան Բալայանը իր ելույթում։

Ելույթով հանդես եկավ նաև Յան Հուկման, որում մասնավորապես ասվում է՝ «Վերջին տարիների ընթացքում ես երկու անգամ այցելել եմ Հայաստան և տպավորված եմ այս երկրի թե ուժով և թե պատմությամբ։ Իր որդեգրած ժողովրդավարական արժեքներով և ԵՄ հետ գործընկերության համաձայնագրով Հայաստանն առանձնանում է որպես Եվրոպական երկրների ընտանիքի հպարտ անդամ։ Ինձ համար մեծ պատիվ և հպարտություն է իմ ներդրումն ունենալ այս ճանապարհին՝ այժմ արդեն այս նոր դերում»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր